Tarixin dadı.

“Şah” restoran-qalereyası Azərbaycan milli mətbəxinin bütün pərəstişkarları üçün öz qapılarını açıb!
Bizə qonaq gələrək, Siz Azərbaycan mətbəxinin rəngarəng və ləzzətli qastronomik dünyasına səyahət etmək, aşpazlarımız tərəfindən yerli fermaların ekoloji təmiz məhsullarından orta əsr reseptləri əsasında hazırlanmış yeməkləri dadmaq imkanı əldə edəcəksiz. Hər yeməyin öz tarixi və unudulmaz dadı var.
Müxtəlif çeşidli və dadlı təamlar hətta ən tələbkar qurmanı belə biganə qoymayacaq.
“Şah” Azərbaycanın tarixini və zəngin mədəniyyətini əks etdirir. Məkanımız, Səfəvilər sülaləsinin banisi, sərkərdə və şair Şah İsmayıl Xətaiyə həsr edilib.
Məkan özündə milli ornament və naxışları, xalça və rəsm əsərlərini, dəbdəbəli şərq üslübunda interyeri və həzin milli musiqini birləşdirməklə Sizi orta əsrlər dövrünə aparacaq!

Restoranın yaranma tarixçəsi öz kökü ilə gələcək tarixçi-restoratorun məktəb illərinə gedib çıxır.
Məhz məktəbdə, tarix dərslərində o ilk dəfə Şah İsmayıl Xətai haqqında öyrənmiş və ona rəğbəti yaranmışdır.
Bakı Dövlət Universitetinin Tarix fakültəsində təhsil alarkən o öz biliklərini genişləndirmiş və Şah İsmayılın nailiyyətlərinin təbliğinə hansı qeyri-adi üsulla töhfə verə biləcəyi haqqında düşünməyə başlamışdır.
Yalnız elm sahəsində deyil, həmdə sahibkar kimi iş həyatında uğur əldə etdikdən sonra, o Azərbaycan tarixinin Şah İsmayıl dövrünü geniş kütlələrin diqqətinə çatdırmaq qərarına gəlmişdir.
Şah İsmayılın şərəfinə paytaxt rayonlarının birinin, metro stansiyasının, prospektin, ali hərbi ordenin adlandırılmasına, onun heykəllərinin Azərbaycanın bir sıra şəhərlərini bəzəməsinə baxmayaraq, restoran-muzey yaradılması fikri yaranır.
Xalqın mədəniyyəti onun qonaqpərvərliyindən, qonaqpərvərlik isə qonaqlar üçün açılan süfrədən başlayır.
Müvafiq yer xüsusi olaraq Xətainin adını daşıyan rayonda eyni adlı metro stansiyasının və onun heykəlinin yerləşdiyi bağçanın yanında seçilir, restoranın interyeri Şah İsmayılın həyat və yaradıcılığına həsr ediləcək və həmin dövrünün təamları təqdim ediləcək orta əsr ab-havasının canlandırılması işlərinə başlanılır.
Arxivlərin öyrənilməsi, əcnəbi qonaqlara şah masasında təqdim edilən yeməklərin təsviri, o cümlədən Şah İsmayıl Xətainin şəxsi aşpazının “Karnamə” kitabından reseptlər bizə autentik saray mətbəxini yenidən canlandırmağa imkan verdi.
Beləliklə, yalnız interyerin deyil, həm də mətbəxin qonaqları Şah sarayına apardığı Azərbaycanın ilk tematik restoranı yarandı.
Kifayət qədər kiçik zaman kəsiyində restoran paytaxt sakinlərinin, eləcə də qonaqların sevimli məkanına çevrildi.
Dörd il keçdikdən sonra isə restoranı genişləndirilərək, zövqünüzü oxşayan əsərləri almaq imkanını da təqdim edən rəsm əsərləri qalereyasının da yaradılması qərara alındı.
Restoran divarlarını bəzəyən hər bir əsər Şah İsmayıl Xətainin həyat və qəhrəmanlıqlarını tərənnüm edir, onlar haqqında bütün qonaqlarımıza ətraflı məlumat verilir.
Qalereyada istedadlı Azərbaycan rəssamlarının əsərləri təmsil olunur.

Qonaqlarımızın diqqətinə!

Şah İsmayılın vəfat etdiyi gün, 23 may tarixində biz qonaq qəbul etmirik.
Şah İsmayılın doğum günü, 17 iyulda bütün qonaqlara 17% endirim təqdim edilir.
İsmayıl adlı qonaqlara 10% endirim təqdim edilir. *
Doğum günü 17 iyul olan qonaqlara 10% endirim təqdim edilir. *
Şahın sağlığına badə qaldırmaq istəyənlərə bir qədəh ev şərabı ikram edilir.

* Şəxsiyyət vəsiqəsi təqdim edildikdə.

Şah İsmayıl Xətai qılınc və qələmi bərabər tutan Azərbaycan xalqının görkəmli şəxsiyyəti — şair və hökmdarıdır. Artıq 14 yaşında gənc İsmayıl Səfəvi dövlətinin əsasını qoymuş, hakimiyyətinin pik vaxtında onun sərhədləri Amudəryadan Fərata qədər uzanmışdır. Şah İsmayıl Azərbaycan torpaqlarını vahid dövlətin tərkibində birləşdirmiş ilk hökmdar olmuşdur. 1501-ci ildə Təbrizə daxil olan İsmayıl Azərbaycan Şahı titulunu qəbul etmişdir.

Şah İsmayıl Xətainin hakimiyyət illəri Azərbaycan dövlətçiliyinin, mədəniyyətinin və milli özünüdərkının çiçəklənməsi dövrüdür.

Onun ordusunun əsasını müxtəlif türk tayfalarından yığılmış qızılbaş süvariləri təşkil edirdi. Bu adı onlar başlarına 12 şiə imamının şərəfinə 12 qırmızı zolağı olan çalma qoyduqlarına görə almışdılar. Şah İsmayıl görkəmli dövlət xadimi olmaqla yanaşı, Səfəvi təriqətinin də şeyxi idi.

İsmayıl hələ uşaq yaşlarından güləşə və ova həvəs göstərirdi. Bununla yanaşı o, mütaliə etməyi və şeirlər yazmağı da xoşlayırdı. Şah İsmayılın hakimiyyəti dövründə Azərbaycan dili rəsmi dövlət dili elan edilmişdir. “Xətai” təxəllüsü ilə yazdığı şeirlərin əksəriyyəti məhz doğma Azərbaycan dilində yazılmışdır. Onun yaratdığı “Divan”a (şərq ədəbiyyatında lirik şeirlər toplusu) qəzəllər və digər janrlarda yazılmış şeirlər toplanmışdır. Şah İsmayıl yaradıcılığı bütün türkdilli poeziyaya təsir göstərmiş Azərbaycan poeziyasının klassiklərindən biri hesab edilir. Xətainin bir çox əlyazmaları onun mahir rəssam və xəttatlıq bacarığını təsdiq edir.

Döyüş meydanlarında misilsiz qəhrəmanlıq göstərən Xətai həm də gözəl səsə malik istedadlı musiqiçi idi. Kiçik yaşlarından bərbət və sazda gözəl ifa edirdi. Tədqiqatçıların fikrincə saz müasir formasını məhz Şah İsmayılın hakimiyyəti dövründə qazanmışdır. Xətai hələ həyatda ikən bir çox dastan və rəvayətlərin qəhrəmanı olmuşdur.

Böyük sərkərdə və şair 1524-cü ildə 37 yaşında vəfat etmişdir.

Şah İsmayıl Ərdəbil şəhərində Səfəvilərin “Darul-İrşad” məqbərəsində dəfn edilmişdir.